A recollida sistemática e homoxénea de información é de grande importancia para a realización de controis internos orientados a avaliar o cumprimento e a efectividade do protocolo a través de indicadores de calidade. Así mesmo, facilita a planificación organizacional ao permitir establecer comparacións entre as diferentes áreas sanitarias e enfocar os recursos e obxectivos do sistema en función dos resultados obtidos.
Debido a todo o anterior, disporase dun rexistro de sepse a nivel autonómico de contido básico e homoxéneo onde cada centro hospitalario cubrirá os campos deseñados para tal efecto.
O rexistro deberá incluír todos os pacientes do hospital con código sepse activado, confírmese ou non a sepse, e os pacientes con sepse ingresados en UCI/Reanimación (con ou sen activación do código sepse).
Para realizar o rexistro utilizarase o aplicativo informático Vixia, no cal se incluirán de xeito automático as variables demográficas e os datos administrativos correspondentes ao ingreso dos casos que hai que rexistrar.
O equipo código sepse de cada centro hospitalario será o responsable de cubrir correctamente o rexistro.
Contido do rexistro
- Rexistro de pacientes:
- Pacientes con código sepse activado: engádense automaticamente ao rexistro os seguintes datos:
- Lugar de activación: triaxe, S. de Urxencias ou planta de hospitalización.
- Data e hora de triaxe (se activación en triaxe).
- Data e hora de activación (se activación no S. de Urxencias ou planta de hospitalización).
- Data e hora de desactivación (en caso de descartar sepse): valor SOFA.
- Pacientes con sepse en UCI/Reanimación: débense engadir ao rexistro de xeito manual os seguintes datos:
- Data e hora do diagnóstico de sepse (da obtención do SOFA ≥ 2).
- Procedencia do paciente (triaxe, S. de Urxencias, planta de hospitalización).
- Variables incluídas no rexistro:
- Infección:
- Foco de infección.
- Orixe da infección: comunitaria/relacionada coa asistencia sanitaria.
- SOFA:
- Valor SOFA que confirma o diagnóstico de sepse.
- Data e hora da obtención do SOFA ≥ 2.
- Peor valor SOFA obtido nas primeiras 24 horas: valor numérico; data e hora da obtención do dato.
- Diagnóstico de choque (TA > 90 mmHg, necesidade de aminas e lactato sérico > 2 mmol/l):
- Existencia de choque: si/non.
- Data e hora do diagnóstico de choque.
- Existencia de hipoperfusión secundaria a sepse: si/non.
- Hemocultivos:
- Data e hora de extracción de hemocultivos.
- Resultados dos hemocultivos.
- Determinación de lactato sérico:
- Valor da primeira determinación.
- Data hora da primeira determinación.
- Peor valor obtido nas primeiras 24 horas.
- Data e hora da obtención do peor valor.
- Administración de antibióticos:
- Data e hora da administración de antibióticos.
- Administración do antibiótico axeitado: si/non.
- En caso de precisar reanimación, rexistrarase o volume de fluídos (en ml) administrado nas 3 primeiras horas.
- Se precisa control do foco infeccioso, rexistrarase a data e a hora do control.
- Administración de drogas vasoactivas:
- Noradrenalina: si/non.
- Dopamina: si/non.
- Dobutamina: si/non.
- Vasopresina: si/non.
- En caso de ingreso en UCI/Reanimación, rexistrarase:
- Data e hora de ingreso.
- Necesidade de ventilación mecánica: si/non.
- Existencia de síndrome de distrés respiratorio: si/non.
- Necesidade de diálise: si/non.
- Necesidade de oxixenación de membrana extracorpórea (ECMO): si/non.
- Data e hora de alta do servizo.
- Data e hora da alta hospitalaria.
- En caso de falecemento do paciente, rexistrarase a data e a hora.