• A Receita electrónica interoperable europea permite que as farmacias da Unión Europea poidan dispensar receitas electrónicas prescritas noutros países europeos.
• Trátase dun proxecto enmarcado na Infraestructura de Servizos Dixitais de Saúde Electrónica (eHealth Digital Service Infrastructure ou eHDSI) para a comunicación de información clínica transfronteiriza, que proporciona o acceso a unha atención sanitaria segura e de alta calidade.

BENEFICIOS:

• A cidadanía con tarxeta sanitaria do SERGAS pode recoller a súa medicación nas farmacias dos países da Unión Europea que estean adscritos ao proxecto.
• A cidadanía doutro país europeo que estea adscrito ao proxecto, pode recoller a súa medicación nas farmacias galegas.

REQUISITOS:

1.- CONSULTA DE PAISES OPERATIVOS

• Se vostede ten Tarxeta Sanitaria da Comunidade Autónoma de Galicia, vai viaxar a outro país europeo e quere recoller alí a súa medicación, o primeiro que debe consultar é: os países operativos para dispensar receitas electrónicas emitidas noutro país europeo: Ministerio de Sanidad - Profesionales - "Mi salud" - Europa”
• Se vostede é doutro país europeo, vai viaxar a España e quere recoller alí a súa medicación, o primeiro que debe consultar é: as comunidades autónomas para dispensar receitas electrónicas europeas, entre as que se atopa Galicia: Ministerio de Sanidad - Profesionales- "Mi salud" - Europa”   Paises europeos que poden intercambiar receitas electrónicas

• Só poderá recoller noutro país a medicación prescrita na Comunidade Autónoma emisora da súa tarxeta sanitaria.
• Non é necesario que presente a folla do seu tratamento activo.

3.- IDENTIFICACIÓN

• Para poder retirar a medicación noutro país debe levar a súa tarxeta sanitaria e un documento con foto (DNI ou pasaporte). Non é valida a tarxeta sanitaria europea.
• NON poderá retirar a medicación no nome doutra persoa.
  

 4.-PROTECCIÓN DE DATOS

• Na farmacia, antes de aceder á súa medicación, amosaranlle un documento coa información sobre o tratamento dos seus datos persoais (Patient Information Notice ou P.I.N).
• Léao atentamente, non é necesario que o asine.
• PIN cidadanía europea que visita España, consultar idiomas:
• PIN cidadanía con estado de afiliación España:

• Deberá aboar o 100% do importe da medicación. A farmacia deberá emitir un ticket para que vostede poida solicitar o reembolso na súa Comunidade Autónoma. Non o perda!.

6.-PRODUCTOS EXCLUIDOS

Hai algúns tipos de medicamentos que non lle poderán dispensar noutro país:

• Estupefacientes
• Medicamentos psicótropos
• Medicamentos con máis de 4 principios activos
• Efectos e accesorios ou productos sanitarios
• Vacinas individualizadas
• Fórmulas maxistrais
• Produtos dietoterápicos

Para resolver as dúbidas que lle poidan surxir en relación co proxecto de Receita Electrónica Europea, pode consultar a sección de preguntas frecuentes da páxina web do Ministerio de Sanidade:

Ministerio de Sanidad - Áreas - Preguntas más frecuente sobre la interoperabilidad de la receta electrónica europea - Ciudadanía