O Servizo Galego de Saúde brinda nas stores de Apple e Google, a aplicación móbil "Sergas Móbil", que ten como obxectivo achegar a toda a cidadanía o catálogo de apps e e-servizos do Sergas, de xeito transversal, inclusivo e eficaz.​

Dispoñible tanto en galego como en castelán, a persoa usuaria dispón dos seguintes servizos:

• Tarxeta sanitaria virtual. Almacenamento da tarxeta sanitaria no móbil – Contacto 0.
• O/A doente dispón da súa tarxeta sanitaria almacenada dentro da aplicación móbil
• Equivale á tarxeta física para efectuar as xestións necesarias no Servizo Galego de Saúde e nas farmacias
• Posibilita a supresión do contacto físico nas interaccións entre profesionais e doente
• Cita de atención primaria. O servizo máis buscado e empregado.

A cita de atención primaria vía web é un dos recursos máis empregados que ten actualmente a organización en Internet a disposición da cidadanía.

Proporcionando esta funcionalidade a través da aplicación móbil facilítase o acceso e uso, co obxectivo de chegar a máis público e mellorar a accesibilidade.

• Consulta de citas e obtención de quendas. Consulta de todas as citas (primaria e especializada) e obtención de quendas.

Listado de todas as citas de primaria e de especializada do/da paciente seleccionado/a, permitindo para cada unha:

• Servizo de obtención da quenda (cando o/a doente chega ao centro)
• Indicacións para chegar ao centro da cita dende a localización que precise, tanto dende fóra do centro como para o interior do edificio se dispón dela
• No detalle das citas, cando se accede con seguridade alta, amósase para onde é a cita (cardioloxía, traumatoloxía, ...) e a sala
• Videoconsulta. Atención personalizada sen desprazarse ao centro.

Unha funcionalidade sinxela, accesible, que ten por obxectivo derribar barreiras a través dunha atención personalizada virtual de calidade, con capacidade de dar unha boa resolución sanitaria.

• Os meus centros. Busca de centros e ademais con xeolocalización.

Servizo de busca de centros dependentes do Servizo Galego de Saúde e sistema de xeolocalización de persoas usuarias en edificios:

• Fixar centros como favoritos para evitar repetir buscas habituais
• Ver a localización do centro en Google Maps e calcular ruta para ir ó centro (realidade aumentada)
• Ver localización no interior do centro e calcular ruta para ir ó servizo concreto -nos centros que dispoñen dela- (realidade aumentada)
• Visualizar o mapa interior do centro e acceso a puntos de interese por planta -nos centros que dispoñen dela-
• Certificados COVID. Consulta e descarga dos certificados persoais europeos.

Posibilita acceso para consulta e para descarga dos diferentes certificados europeos dispoñibles: de vacinación fronte á COVID-19, de recuperación e de probas.

• ​Xestión de pacientes. Os datos personais só unha vez, persistindo.

O obxectivo é facilitar o acceso ás persoas usuarias, evitando ter que introducir repetidamente os datos, de forma que doentes rexistrados/as persistan na app.

En caso de acceder con seguridade alta, a persoa paciente incorpórase automaticamente ao listado de pacientes, así como as súas persoas delegadas en caso de telas.

Ó rexistrar paciente como principal, ou ó cambiar a selección de paciente principal no listado de pacientes, engádense en "Os meus centros" os seus centros de atención primaria e de atención especializada.​

É posible establecer unha imaxe ou foto asociada a cada paciente na aplicación, para facilitar a identificación do paciente nas diferentes opcións de menú.​

Na pantalla de detalle do paciente, cando se accede con seguridade alta, amósanse os datos completos que a persoa ten rexistrados no Sergas para avisos e notificacións electrónicas e para contacto (teléfonos e correos electrónicos), podendo acceder a editalos.​

• Acceso entre as diferentes aplicacións. E-Saúde integrado.

Acceso integrado con outras aplicacións do Sergas, tales como:

• É-Saúde, que permite acceso a servizos e contidos de saúde personalizados:
• Acceso á historia clínica
• Folla de medicación activa
• Resumo de actividade Sergas
• ...
• TELEA, a plataforma tecnolóxica de asistencia domiciliaria
• Etc. 
• ​Últimas novas. Acceso á listaxe de últimas novas publicadas polo Servizo Galego de Saúde.
• Redes sociais. Acceso ás diferentes canles da organización.

Acceso á listaxe das redes sociais dos diferentes organismos/estamentos dependentes do Servizo Galego de Saúde. Ofrécese información e acceso directo ás diferentes canles que teñen dispoñibles nas redes sociais.

• Mensaxes. Consulta de notificacións de carácter xeral enviadas polo Sergas para comunicar novidades, avisos, etc.

​Niveis de seguridade para o acceso ás diferentes funcionalidades da aplicación

	Sen seguridade	Seguridade con datos de tarxeta sanitaria	Seguridade media	Seguridade alta *
​	​	​	​​	​
Acceso integrado a​ "É-Saúde"​	​	​	​​
​Citas	​		​	​
Ampliar detalle de cita	​		​
Acceso integrado a "Telea"​	​		​
Os meus centros			​
​Descarga tarxeta sanitaria virtual	​	​	​	​
​Descarga certificados COVID	​	​	​	​
Aplicacións	​	​	​
​Redes sociais	​		​
​Actualidade	​		​
​Mensaxes	​		​
​Acceso integrado a "Contacte"	​		​

* O acceso con seguridade alta efectúase a través de É-Saúde. Para acceder, tanto con CHAVE365 como con certificado dixital, é preciso que previamente o paciente autorice o seu uso de forma presencial no seu centro de saúde ou de forma telemática co DNI electrónico cumprimentando o formulario Solicitude de acceso con CHAVE365 e/ou certificado dixital.