INFORMACIÓN IMPORTANTE PARA AS FAMILIAS

A gripe é unha enfermidade frecuente na poboación infantil que, nalgúns casos, pode causar complicacións e requirir ingreso hospitalario.

Co obxectivo de facilitar o acceso á vacinación, durante a campaña de gripe 2026-2027 levarase a cabo, en determinados centros educativos seleccionados, unha estratexia de vacinación escolar fronte á gripe dirixida aos nenos e nenas nacidos entre 2015 e 2023, coa finalidade de valorar a súa implantación.

O centro educativo no que está escolarizado o seu fillo ou filla foi seleccionado para participar nesta iniciativa. O propio centro comunicaralles ás familias a data na que se realizará a vacinación.

Unha vez administrada, a vacina quedará rexistrada no historial clínico do alumno ou alumna. O informe de vacinación poderá consultarse e descargarse a través do espazo É-Saúde (A miña historia clínica → A miña carteira de vacinas), dispoñible tanto na aplicación Sergas Móbil como a través dun navegador web. Tamén poderá solicitarse no seu centro de saúde.

Para que o seu fillo ou a súa filla poida recibir a vacina, É IMPRESCINDIBLE:

• Completar a seguinte autorización

  Autorización de vacinación escolar



• Achegar a tarxeta sanitaria do/da menor o día da vacinación (é válida unha fotocopia)

• Comprobar posibles contraindicacións á vacina nas Preguntas frecuentes (FAQ)