Antes
de ler o resto da información, debe ter en conta que, se xa foi
diagnosticada dun cancro de mama, non debe acudir á cita informando
a unidade de coordinación do Programa a través da siguiente conta
de correo pgdpcm.dxsp@sergas.es
ou ó teléfono 981 141414
O
día da cita, para poder facerlle a mamografía é imprescindible que
presente o seu DNI ou documento identificativo similar con
fotografía.
Recomendámoslle
que leve roupa cómoda e que non bote talco nin crema nas mamas.
Se
vostede non pode acudir no día ou hora prevista, pode cambiar a súa
cita a través do aplicativo Sergas Móbil ou poñéndose en contacto
co Programa
Teña
en conta que esta mamografía é únicamente para mulleres que non
presentan síntomas. Se vostede nota algún cambio nos seus peitos ou
axilas como vultos, dor, inchazón, cambios na pel ou na forma do
peito, retracción da mamila ou saída de líquido por ela, non debe
acudir a esta cita sendo necesario consultar coa súa médica ou co
seu médico quen, despois de explorala, indicaralle os pasos a
seguir.
Se
o resultado da mamografía está dentro da normalidade, recibirá
unha mensaxe no seu móbil (SMS) avisándolle deste resultado. Tamén
poderá obter o resultado no seu centro de saúde a través do
profesional de Atención Primaria, pasado un mes desde a realización
da proba.
Se
tras a realización da mamografía é necesario ampliar o estudo para
chegar a un resultado definitivo, recibirá unha carta cunha cita
para acudir ao seu hospital de referencia.
Consulta
de ruta de autobuses:
https://www.sergas.gal/ConsultaRutasAutobuses