Na última década observouse un incremento sostido das infeccións de transmisión sexual en Galicia, especialmente da gonococia, cun aumento moi acusado nos últimos cinco anos. Este patrón reflíctese tamén na poboación heterosexual, o que suxire unha baixa percepción do risco. Como resposta, púxose en marcha o Plan Galego de ITS 2026–2030 (Plan SEXSAN), que propón unha estratexia integral baseada na prevención, o diagnóstico precoz, o seguimento das infeccións crónicas e a mellora da calidade de vida das persoas afectadas, co obxectivo de reducir de forma significativa a incidencia destas infeccións.