10/07/2023 - Tras a aprobación, o pasado 4 de xullo, da Orde SND/726/2023 pola que se declara a finalización da situación de crisis sanitaria ocasionada pola COVID-19, actualízanse os protocolos e circuítos relacionados coa COVID-19:

- A COVID-19 continúa  sendo unha enfermidade de declaración obrigatoria (https://www.boe.es/diario_boe/txt.php?id=BOE-A-2023-15135 - Título V. Capítulo I. Artículo 208. Modificación del Real Decreto 2210/1995, de 28 de diciembre, por el que se crea la red nacional de vigilancia epidemiológica). Con todo, a vixilancia do Covid-19 foi integrada na vixilancia conxunta das Infeccións Respiratorias Agudas (IRAs) que se leva a cabo na rede asistencial do SERGAS, polo que os hospitais e laboratorios privados NON deberán declarar os casos illados de Covid-19​

- Os centros sanitarios xa NON precisan continuar declarando a ocupación hospitalaria nin as necesidades de material relacionados coa COVID-19 (COVIDMETRICAS e COVID19MATERIAL), posto que decaeu a declaración ao "Sistema de Información de Capacidad Asistencial Hospitalaria (SICAH)".

- Os centros sociosanitarios e farmacias NON precisan continuar declarando os casos COVID-19 diagnosticados nos mesmos. Non obstante, os HOSPITAIS PRIVADOS e CENTROS SOCIOSANITARIOS RESIDENCIAIS teñen a OBRIGA DE DECLARAR AS SOSPEITAS DE ABROCHOS DE INFECCIÓN RESPIRATORIA AGUDA relacionados co seu centro. Dispón das medidas actuais en centros sociosanitarios residencias no protocolo específico de Vixilancia, prevención e control das infeccións respiratorias agudas en Galicia - Centros sociosanitarios residenciais de persoas vulnerables, na seguinte ligazón: https://www.sergas.gal/Saude-publica/Centros-sociosanitarios-residenciais​​

- Dispón das medidas preventivas actuais en centros sanitarios de Galicia na seguinte ligazón: https://www.sergas.gal/Saude-publica/Medidas-preventivas-centros-sanitarios

- Dispón dos protocolos específicos de vixilancia, prevención e control das infeccións respiratorias agudas (IRAs) en Galicia no apartado específico: https://www.sergas.gal/Saude-publica/Vixilancia-prevencion-control-IRAs

​​