A Compra Pública de Innovación (CPI), é unha ferramenta para promover innovación desde a demanda, a través da compra de produtos ou servizos que non existen no mercado e que require un proceso de codiseño entre o comprador e provedor.
Con carácter xeral existen tres vías de actuación das compras públicas para alcanzar os obxectivos expostos para as compras públicas innovadoras diferenciando entre compras comerciais e compras precomerciales.
- Compras públicas comerciais
- Compras públicas regulares innovadoras: Primar nos procesos de adxudicación de compras regulares as ofertas máis innovadoras, a través de criterios de valoración que atendan a todo o ciclo do produto ou servizo a contratar.
- Compras públicas tecnolóxicas innovadoras (CPTI): Compra pública dun ben ou servizo que non existe no momento da compra, pero que pode desenvolverse nun período de tempo razoable. Dita compra require o desenvolvemento de tecnoloxía nova ou mellorada para poder cumprir cos requisitos demandados polo comprador.
- Compras públicas precomerciales (CPP): Contratación de servizos de I+D na que o comprador público non se reserva os resultados da I+D para o seu propio uso en exclusiva senón que comparte coas empresas os riscos e os beneficios da I+D necesaria para desenvolver solucións innovadoras que superen as que hai dispoñibles no mercado
A CPI non é:
- Non é un novo tipo de contrato
- Non é unha forma de adxudicación
- Non é usar ferramentas tecnolóxicas
- Non é innovar no proceso de contratación