XEDOC (Plataforma de almacenamento, custodia e xestión da documentación electrónica)

Trátase dunha plataforma que dota á organización dun almacén documental forte, con dispoñibilidade 24x7, capacidade de crecemento ilimitado e mecanismos eficientes de uso do espazo de almacenamento.
Ten unha capa de Custodia Electrónica, compatibilidade con ENI (esquema nacional de interoperabilidade), unha capa de servizos de integración para terceiras aplicacións, unha capa interoperable compatible con HL7 e o perfil XDS de IHE, integración co Sistema de Importación, Exportación e Dicomización de Obxectos Clínicos (SIEDOC), un framework de migración dos almacéns actuais e integración coa plataforma de firma do Servizo Galego de Saúde (FIRMA).
O piloto levouse a cabo na EOXI de Pontevedra e o Salnés (circuítos de xeración de documentación clínica na área de atención de urxencias) e na EOXI de Lugo, Cervo e Monforte (dixitalización da documentación clínica en arquivo de historias clínicas en papel)