Que podes atopar en É-Saúde?

• A miña historia clínica: acceso aos informes da túa historia clínica electrónica.
  
• A miña axenda: consulta as túas citas.
  
• Os meus tratamentos: información sobre os teus tratamentos pasados, actuais e futuros.
  
• A miña atención sanitaria: xestión das túas citas e información sobre os teus profesionais.
  
• Os meus trámites: información histórica sobre a túa saúde e xestión de trámites co Sergas.
  
• A miña carpeta persoal: xestión da propia saúde e da enfermidade.
  
• Buscar centros e farmacias: información de hospitais, centros de saúde, servizos de urxencias, e farmacias.
  
• Formación: acceso a cursos online e presenciais para afondar en temas do teu interese.
  
• Asociacións e comunidades virtuais: información sobre asociacións de pacientes e a posibilidade de participar en comunidades abertas e restrinxidas.
  
• Información do Sergas: acceso aos dereitos e deberes no Sistema Público de Saúde de Galicia e os recursos sobre tarxeta sanitaria e Contacte.
  
• Axuda É-Saúde: as preguntas máis frecuentes sobre É-Saúde. 

Quen pode acceder?

• Cidadanía con Tarxeta Sanitaria Sergas de 18 ou máis anos.
• Profesionais sanitarios.
• Asociacións de pacientes.

Como podes acceder?

• Accede á páxina https://esaude.sergas.gal
• Selecciona a opción Acceder
• Escolle unha das tres opcións de acceso: Chave365, certificado dixital ou DNIe

Acceso sen identificación

• Non é necesario identificarse

Acceso con seguridade alta

• Podes darte de alta no sistema Chave365 de dous modos:
  • Presencialmente, en calquera dos órganos ou unidades administrativas da Xunta de Galicia que realicen as funcións de rexistro de Chave365 ou nun Centro de Saúde. Debes acudir persoalmente e acreditar a túa identidade mostrando o teu DNI. Podes consultar o listado de órganos acreditadores na seguinte ligazón
  • De maneira electrónica, a través da sede electrónica da Xunta de Galicia. Para elo debes ter instalado no teu navegador un certificado electrónico válido ou empregar o teu DNI electrónico e dirixirte á seguinte ligazón.
• A clave Chave365 débese renovar anualmente de xeito presencial ou electrónico.

A que vas ter acceso? 

• Existen dous tipos de accesos a É-Saúde en función do contido ao que accedas:
  • Acceso sen identificación: Poderás acceder aos contidos públicos de É-Saúde: listados de comunicacións, asociacións, consultar centros…
  • Acceso con seguridade alta: Poderás acceder a toda a túa información de saúde e contidos personalizados que ofrece a plataforma, como os informes da túa Historia Clínica e os tratamentos.