Pertinencia
A OMS define a saúde coma o "estado de benestar físico, mental e social e non soamente a ausencia de enfermidades". Unha boa saúde e unha boa convivencia escolares melloran os resultados académicos e promoven o desenvolvemento persoal de alumnas e alumnos ao mesmo tempo que producen unha maior satisfacción da comunidade educativa E contribúen a mellorar a convivencia e a saúde na localidade do centro No IES Milladoiro conviven 18 nacionalidades diferentes de 4 continentes. O alumnado presenta niveis socioculturais variados e responde ás novas realidades familiares existentes na sociedade. A poboación inmigrante obriga a prestar especial atención aos procesos de acollida e ao respecto á multiculturalidade