A Consellería de Sanidade ten en marcha o Programa galego de detección
precoz do cancro colorrectal. O Programa vai destinado ás persoas de 50
a 69 anos e consiste na realización dun test para detectar sangue oculta
nas feces (SOF). A participación é voluntaria, gratuíta e moi importante
para a súa saúde.
Para PARTICIPAR NO
PROGRAMA só ten que facer uso do dispositivo que acaba de recibir no
seu domicilio para a recollida da mostra, a cal pode facer vostede
mesmo de maneira moi sinxela seguindo as "instrucións para a recollida da mostra" que aparecen nas
ligazóns ao final desta páxina.
Para mais información sobre o Programa, prema aquí.
Se ten algunha dúbida ou precisa máis información, pode trasladarnos as
súas peticións a través do enderezo electrónico infocolon@sergas.es ou
chamando ao teléfono 881 547 465